< Aðalfundur verður 20 mars 2021
20.03.2021 20:53 Aldur: 51 days

Bóndafelag Føroya hevur havt ársaðalfund












Rættuliga fitt av fólki hevði leitað sær til fundarstaðin, sum var á Búnaðarstovuni í Kollafirði í dag. Umframt formansfrágreiðing og framløgu av roknskapinum, var eisini nevndarval á skránni.

 

Nevndin í Bóndafelag Føroya er nú mannað soleiðis:

Sigert Patursson, formaður

Eynar Martin Kjærbo, næstformaður

Dánjal Petur Múller

Eyðfinnur í Búðini

Heini á Heygum

Símun Gullaksen

Tiltakslimir eru;

Jóhan Jógvansson

Bjørn Kalsø

 

Heimablíðni hjá Onnu og Óla á Velbastað, borðreiddi við ymiskum leskiligum ábiti úr egnum kova, og høvdu fundarluttakarnir møguleika at njóta góðan borda, áðrenn farið var undir seinna partin av fundinum, sum umfataði framløgur og kjak.

Landsstýrismaðurin í landbúnaðarmálum hevði eina áhugverda framløgu um landbúnaðarpolitik og kom eisini inn á viðurskiftini í sambandi við gongd í haga. Lívligt kjak var eina løtu og luttøkan var góð úr salinum.

Eftir hetta hevði Símun Gullaksen, stjóri í Sp/f Jarðir, eina framløgu um virksemi og endamál felagsins.

Fundurin endaði við, at Fróði Mortensen, stjóri í Førka hevði eina framløgu um biogas og spennandi framgongdina hesum viðvíkjandi. Fundarluttakarnir vóru bjóðaðir at vitja biogasverkið á Skarðshjalla eftir fundin og fingu eina sera læruríka rundsýning.


 

Alt samskifti við felagið gongur ígjøgnum formannin. Sigert Patursson, Vatnaskarðar 30, Hoyvík, tlf: 214709, teldupostur: sigert@bondi.fo