< Ársfundur
14.03.2017 19:34 Aldur: 222 days

Embla

"Embla" norðurlendsk matvirðisløn.

Embla er navni á norðurlendskari matvirðisløn, sum bóndafeløgini í norðurlondum standa á odda fyri.

Virðislønin er tann fyrsta av sínum slag, sum gongur millum norðurlondini, og er stuðla av Norðurlandaráðnum.

Eftir áheitan frá norðurlandaráðnum hava bóndafeløgini í Danmark, Svøríki, Føroyum, Íslandi, Finnlandi og Noregi átitkið sær, at skipa eina virðisløn sum setur tað staðbundna í miðdepilin.

Endamálið er at styrkja samanhald og vitan landanna millum, og millum tað fólk sum dagliga arbeiðir við at framleiða, virka og borðreiða fyri okkum øllum, og at menna tað góða tilfeingi vit hava hjá okkum.

Embla verður latin annað hvørt ár, fyrstu ferð í Keypmannahavn í august 2017

Danska bóndafelagið L&F "Landbrug & Fødevarer" er vertur. Við handanina verður vertslandi til virðislønina 2019 avdúka.

Tað stendur øllum frítt at koma við uppskotum til virðslønina.

Vitja heimasíðuna "emblafoodaward.com" og fá vegleiðing um hvussu farast skal fram.

 

 


 

Alt samskifti við felagið gongur ígjøgnum formannin. Sigert Patursson, Vatnaskarðar 30, Hoyvík, tlf: 214709, teldupostur: sigert@bondi.fo