< Limagjaldið broytt
28.11.2012 20:49 Aldur: 8 yrs

Landbúnaðarnevnd

Landstýrismaðurin í landbúnaðarmálum hevur sett eina nevnd at lýsa ymisk viðurskifti í landbúnaðinum í Føroyum.

Nevndin verður mannað við 1 umboði frá Búnaðarstovuni, 2 frá Búnaðargrunninum, 2 frá MBM og 1 umboði frá Bóndafelagnum. Bóndafelagið hevur valt Sigert Patursson at umboða seg í nevndini.

Uppgávan hjá nevndini verður at gera eina støðulýsing av vinnuni í 2012 og at koma við ítøkiligum uppskotum um, hvussu vit røkka málunum í samgonguskjalinum frá nov. 2011, at vit í størri mun skulu gerast sjálvbjargin innan framleiðslu av landbúnaðarvørum og fóðri.

Arbeiðið er býtt í 2 partar, fyrri partur fevnir um eina lýsing av støðuni av landbúnaðinum í dag og annar partur tekur støði í støðulýsinigini og vísir á framtíðar tiltøk.

Niðurstøðurnar skulu latast landstýrismanninum í seinasta lagi 1. februar 2013.


 

Alt samskifti við felagið gongur ígjøgnum formannin. Sigert Patursson, Vatnaskarðar 30, Hoyvík, tlf: 214709, teldupostur: sigert@bondi.fo